Сплит, 11 јуни 2018

Државниот секретар на Состанокот на на Централно европската иницијатива

Државниот секретар во Министерството за надворешни работи на Република Македонија Виктор Димовски, на 11 јуни 2018 година во Сплит, учествуваше на Состанокот на министрите за надворешни работи на земјите-членки на Централно европската иницијатива.

Во своето обраќање ДСЕК Димовски информира дека учеството во регионалната соработка беше еден од приоритетите на Владата на РМ во изминатиот едногодишен период, паралелно со крупните чекори на внатрешен план и унапредувањето на односите и соработката со земјите од непосредното и пошироко соседство.

Во овој контекст ги реафирмираше нашите заложби и придонес за реализација на приоритетите на Централно европската иницијатива - поддршка за проширувањето на Европската унија,трансфер на знаење и пренесување на искуство од предпристапниот процес и членството во ЕУ, понатаму економската соработка , соработката во областа на културата ,предизвиците на миграција и заедничките напори за безбеден, стабилен просперитетен Регион.

На Состанокот Министрите усвоија зедничко Комунике, кое сеопфатно ги рефлектира дискутираните состојби и перспективи на регионот.

(izvor: http://www.mfa.gov.mk/index.php?option=com_content&view=article&id=2704:uchestvo-na-drzhavniot-sekretar-viktor-dimovski-na-sostanokot-na-ministrite-za-nadvoreshni-raboti-na-zemjite-chlenki-na-centralno-evropskata-inicijativa&catid=52:soopstenija-do-javnosta&Itemid=684&lang=mk)